Innocencius episcopus servus servorum Dei dilectis filiis priori et fratribus hospitalis Ierusalem in Anglia salutem et apostolicam benedictionem Exigentibus vestre devocionis meritis vestris votis libenter annuimus ut peticiones vestras quantum cum Deo possimus favorabiliter exaudimus Ea propter dilecti in domino filii vestris supplicacionibus inclinati auctoritate vobis presencium indulgemus ut ecclesiam de Stebbynge London[iensis] diocesis in qua ius prenominatus habetis in usus vestros cum vacaverit convertere libere salvo iure dioc[esani] episcopi valeatis dummodo ipsius [ecclesie] proventus valenciam 35 marcarum argenti singulis annis non excedant proviso ut eadem ecclesia debitis obsequiis non fraudetur et animarum cura in ipsa nullatenus negligatur Nulli ergo omnino homini liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignacionem Dei omnipotentis Petri et Pauli apostolorum eius se noverit incursurum Datum Lugdon[i] V iidus marcii pont[ificatus] nostri anno quarto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.