Sciant presentes et futuri quod ego Simon Cosyn et Avicia Herberd[] et Agnes Hereberd[] dedimus concessimus et hac presenti carta nostra confirmavimus Petro filio Willelmi de Topesfeld[] pro servicio suo et pro 3 s[] argenti quos nobis dedit in gersumam quindecim pedes prati in latitudine iacentes in villa de Topesfelde in prato quod vocatur Kenhey inter pratum quondam Oliveri hose et pratum dicti Petri et abuttat ad unum capud ad terram que vocatur Merodole et ad aliud capud ad ripam que currit versus Gelham habendos et tenendos de nobis et heredibus nostris vel assignatis nostris dicto Petro et heredibus suis vel suis assignatis vel cuicumque dare vendere vel aliquo modo assignare voluerit libere quiete bene in pace integre et hereditarie reddendo inde annuatim nobis et heredibus nostris vel assignatis nostris unum granum piperis ad Pascha pro omnibus serviciis consuetudinibus sectis curiarum et secularibus demandis Et nos predicti Simon Avicia et Angnes et heredes nostri warantizabimus defendemus et acquietabimus predictum pratum cum omnibus pertinentiis suis predicto Petro et heredibus suis vel assignatis suis per predictum servicium contra omnes gentes in perpetuum In cuius rei testimonium presenti scripto sigilla nostra apposuimus Hiis testibus Willelmo filio Galfridi Nicholao filio Willelmi Olivero hose Roberto buscarl Willelmo fabro et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.