Sciant presentes et futuri quod ego Nicholaus Algar dedi et concessi et hac presenti carta mea confirmavi Petro filio Willelmi de Thopefeud[] et Willelmo filio suo pro serviciis suis et pro viginti solidis argenti quos michi dederunt in gersumam unam acram terre una cum dimidia acra terre post decessum Alicie Lolli quam dimidiam acram ipsa Alicia tenet nomine dotis in villa de Topefeud[] iacentes in campo qui vocatur Suynelond[] inter terram meam ex una parte et terram Willelmi de la Ponde ex altera parte et abbuttant ad unum capud ad terram persone eiusdem ville et ad aliud capud ad terram vicarii et Willelmi lorimar[] habendas et tenendas de me et heredibus meis vel assignatis meis eisdem Petro et Willelmo filio suo et eorum heredibus vel eorum assignatis vel cuicumque dare vendere vel aliquo modo assignare voluerint libere quiete bene in pace integre et hereditarie reddendo inde annuatim domino Thome de Bause et heredibus suis quatuor denarios ad quatuor anni terminos videlicet ad festum sancti Michaelis unum denarium ad Natale Domini unum denarium ad Pascha unum denarium et ad festum sancti Iohannis Baptiste unum denarium pro omnibus serviciis consuetudinibus auxiliis sectis curiarum et omnibus secularibus demandis salvo servicio domini regis scilicet ad scutagium quando evenerit tantum quantum pertinet ad tantam terram eiusdem feodi Et ego predictus Nicholaus et heredes mei warantizabimus defendemus et acquietabimus totam predictam terram cum omnibus pertinentiis suis sicut predictum est dictis Petro et Willelmo filio suo et eorum heredibus vel eorum assignatis per predictum servicium contra omnes gentes in perpetuum In cuius rei testimonium presenti scripto sigillum meum apposui Hiis testibus Nicholao filio Willelmi Olivero hose Roberto buscarll[] Willelmo Cosyn Simone Cosyn Martino Fyvien Willelmo lorimar[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.