Hec est convencio facta inter Petrum de Topesfeld[] ex una parte et Nicholaum filium Gedhee et Sarram uxorem sue ex altera parte videlicet quod dictus Petrus concessit et dimisit dicto Nicholao et uxori sue ad totas vitas suas tres rodas terre iacentes in campo qui vocatur Brekfeld[] inter terram quondam Iohannis filii Willelmi et terram Petri filii Willelmi et abuttant ad unum capud super viam ex opposito [...] Iohannis Helle et ad aliud capud super terram dicti Petri tenendas et habendas de me et heredibus meis Nicholao et uxori sue ad totas vitas suas reddendo inde annuatim michi et heredibus meis vel meis assignatis duos solidos scilicet ad festum sancti Michaelis pro omnibus serviciis consuetudinibus sectis curiarum et omnibus aliis demandis Et ego dictus Petrus et heredes mei warantizabimus defendemus et acquietabimus predictam terram cum pertinentiis suis dictis Nicholao et uxori sue ad totas vitas suas et post decessum dictorum Nicholai et uxoris eius totam predictam terram cum pertinentiis suis dicto Petro et heredibus suis solute et quiete revertatur Et ad maiorem securitatem ex utraque parte sigilla sua apposuerunt Hiis testibus Nicholao filio Willelmi Roberto bursehard[] Willelmo de Abingword[] Willelmo Cosyn Simone Cosyn Iohanne suter[] Ricardo del Berewyk[] Waltero de Hale et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.