Omnibus Christi fidelibus presens scriptum visuris vel audituris Willelmus le Bloy de Hengeham Sibile salutem in Domino Noverit universitas vestra me caritatis intuitu et pro salute anime mee et pro animabus antecessorum et successorum meorum dedisse et concessisse et hac presenti carta confirmasse Deo et beate Marie et sancto Iohanni Baptiste et fratribus hospitalis Ierusalem in Anglia Deo servientibus tres denarios annui redditus de redditu scilicet quem Walterus Bernulf michi reddit annuatim ad terminum sancti Michaelis quos idem Walterus et heredes sui pro me et heredibus meis persolvent quolibet anno clerico fraternitatis quicumque venerit ad ecclesiam de Hengham Sibile et hoc die sancti Iohannis Evangeliste infra Natale in liberam et puram et perpetuam elemosinam adeo libere et quiete sicut aliqua elemosina liberius et quiecius dari potest in regno Anglie Et ego predictus Willelmus le Bloy et heredes mei vel mei assignati predictis fratribus et eorum successoribus predictos tres denarios annui redditus contra omnes gentes warantizabimus acquietabimus et defendemus in perpetuum In cuius rei testimonium presenti scripto sigillum meum apposui Hiis testibus domino Henrico de Codham Martino croc Roberto hostage Huberto clerico Roberto Fauvell[] Iohanne Malepiece et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.