Sciant presentes et futuri quod ego Petrus filius Martini de la Bruere concessi et hac mea carta confirmavi Deo et beate Marie et sancto Iohanni Baptiste et fratribus sancte domus hospitalis Ierusalem donum quod pater meus donavit fratribus eiusdem dicte domus in villa de Hatfeld[] Regis scilicet terram illam quam Wluricus molendinarius tenuit de predictis fratribus habendum et tenendum in puram liberam et perpetuam elemosinam solutum et quietum ab omni seculari servicio et exaccione et querela Hanc autem concessionem et huius carte mee confirmacionem feci ego Petrus de la Bruere predicte domui et fratribus pro salute anime mee et patris mei et matris mee et omnium amicorum meorum vivorum et mortuorum ut participes simus omnium bonorum sancte domus hospitalis Ierusalem Et ego Petrus et heredes mei warantizabimus predictam [terram] cum pertinentiis per presentem confirmacionem predicte domui et fratribus dicte domus contra omnes gentes Hiis testibus domino Radulpho More domino Ricardo des Essarz domino Willelmo de Herlaue Willelmo filio Michaelis Simone de Batesford[] Galfrido filio Michaelis Nicholao clerico de Hadleya et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.