Omnibus Christi fidelibus presentes littereas visuris vel audituris frater Elyas de Smetheton[] fratrum hospitalis Ierusalem humilis prior in Anglia et fratres salutem in Domino Noveritis nos communi assensu fratrum nostrorum in pleno capitulo nostrorum in Melcheburne concessisse et hac presenti carta nostra confirmasse magistro Henrico de Nutteley totam terram cum pertinentiis suis quam pater suus tenuit de nobis in parochia de Alba Nutteley et totam terram quam predictus Henricus tenuit in parochia de Oviton[] cum pertinentiis suis de Rogero de Clare capellano habendas et tenendas de nobis et successoribus nostris sibi et heredibus suis vel cuicumque predictas terras assignare voluerit exceptis viris religionis et Iudeis libere et quiete integre et in feodo et hereditarie reddendo inde annuatim nobis et successoribus nostris scilicet hospitali de Mapeltrestede duos solidos ad duos terminos anni videlicet ad Pascha duodecim denarios et ad festum sancti Michaelis 12 d pro omnibus serviciis consuetudinibus sectis curiarum et demandis et ad obitum sui et heredum suorum vel assignatorum suorum quadraginta solidos sterlingorum Et nos predicti fratres et successores nostri warantizabimus totas predictas terras cum omnibus suis pertinentiis predicto Henrico et heredibus suis quam diu per cartas donatorum nostrorum warantizare poterimus per prefatum servicium contra omnes gentes In cuius rei testimonium presenti huic scripto in modum cirographi confecto et penes dictum Henricum remanenti commune sigillum capituli nostri apposuimus Hiis testibus fratribus Iohanne teshaur[io] Willelmo de Esseby Roberto de Weysi Willelmo de Erleg[] Willelmo de Hathfeud[] Eustachio de Rocheford[] Roberto de Hacham Willelmo de Nutsted[] Willelmo de Redyng[] Gilberto Pykot Nicholao de Wrotham et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.