Omnibus sancte matris ecclesie filiis presens scriptum visuris vel audituris Rogerus camerarius salutem Noverit universitas vestra me divine caritatis intuitu pro salute anime mee et antecessorum et successorum meorum dedisse concessisse et hac presenti carta mea confirmasse Deo et beate Marie et hospitali sancti Iohannis de Mapeltrestede 2 d et obolum annualis redditus in parochia de Fynchyngefeld[] habenda et tenenda hospitalariis eiusdem loci in puram et perpetuam elemosinam de Rogero le cupere et heredibus suis de tenemento quod de me tenuit in alto chemino de Fynchyngefeld[] versus Berdefeld[] Concessi eciam dictis fratribus dicti loci ad distringendum feodum pro dicto redditu quocienscumque eis redditus a retro fuerit sine omni contradiccione mei et heredum meorum Et ego dictus Rogerus camerarius et heredes mei predictum redditum predictis fratribus in perpetuum warantizabimus Et in huius rei testimonium huic scripto sigillum meum apposui Hiis testibus Willelmo de Gelham Gilberto filio Mathei Willelmo de Gelham et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.