Omnibus Christi fidelibus presens scriptum visuris vel audituris frater Guydo de Foresta milicie Templi in Anglia magister humilis salutem in Domino Noveritis nos de communi consilio et assensu capituli nostri in Pascha apud London[iam] concessisse et presenti scripto confirmasse Willelmo filio Petri de Topesfeld quadraginta et octo acras terre arabilis bosci et prati et quadraginta et tres solidos decem denarios et obolum annui redditus cuius terre undecim acre iacent in villa de magna Gelham in campo vocato Langeburn et quatuor acre iacent in villa de Hengham Sibile in campo vocato Ludrede et sex acre iacent in eadem villa in campo vocato Godemanescroft et una acra terre iacet in villa de Topesfeld in campo vocato Brokfeud et tres acre terre iacent in eadem villa in campo vocato Wenyngford et quatuor acre terre iacent in eadem villa in campo vocato Mapel et due acre terre et dimidia iacent in campo vocato Swinelond iuxta mesuagium quod fuit Roberti Lully et tres acre terre iacent in eadem villa in campo vocato Rucroft et tres acre terre iacent apud Turseynesmor in eadem villa que fuerunt Roberti Lully et una acra terre et dimidia iacent in campo vocato Swinelo[n]d que fuerunt Nicholai Alger et una acra prati iacet in prato vocato Kenhey et dimidia acra prati iacet apud Smaleford que fuit Roberti Lully et due acre prati et dimidia iacent in villa de Hengham Sibile et Topesfeud et vocantur Kenhey quarum una acra et dimidia iacent apud Smaleford que fuerunt Ade Grauntvashall et una dimidia acra fuit Simonis Herebert de Hauekeshale et una dimidia acra fuit Henrici Toce et due acre bosci cum solo iacent in villa de Topesfeud in bosco vocato Muchulhey et unum mesuagium continens unam acram terre vocatum Hamstall una cum domibus superedificatis et duas acras terre cum pertinentiis iacentes in una crofta que vocatur Hamstall quas habemus de dono Willelmi filii Iohannis in villa de Topesfeld concessimus eciam eidem Willelmo totum ius et clamium quod habemus vel habere possimus in tribus acris terre cum pertinentiis quas Simon de Hauekeshale et Herneburga uxor eius de nobis tenent ad vitam suam in villa de Topesfeld et undecim solidos et sex denarios annui redditus quos percipere solebamus de quatuordecim acris terre quas Simon Cusyn de nobis tenuit in Toppesfeud et quatuor solidos et sex denarios de quatuor acris terre et prati quas Simon de Hauekeshale et Herneburga uxor eius de nobis tenuerunt in Topesfeld et Gelham et sex solidos de septem acris terre quas Radulphus de Hauekeshale de nobis tenuit in Gelham et decem et octo denarios de terra Brikini quam Robertus burscarll de nobis tenuit in Topesfeld et sex denarios de sex acris terre quas Willelmus filius Iohannis de nobis tenuit in Topesfeld que fuerunt Ricardi Guncelini et octo denarios et obolum de duabus acris terre que fuerunt Stephani le mounier in Topesfeld et unum denarium annui redditus quem habuimus de dono Ricardi Guncelini et quindecim denarios de quatuor acris terre quas Petrus Swonild de nobis tenuit in Topesfeld et quatuor denarios de tribus acris terre quas Radulphus Gerard de nobis tenuit in Topesfeld et septem denarios de una acra terre quam Alexander tolle de nobis tenuit in Topesfeld et tres denarios de uno mesuagio quod Willelmus Kebe de nobis tenuit in Topesfeld et novem solidos et octo denarios de uno mesuagio et quindecim acris terre quas Ivo de la Bourne de nobis tenuit in Fynchyngfeld et undecim denarios de quinque acris terre quas Walterus Botenheye de nobis tenuit in Fynchyngfeld et duos solidos et septem denarios et obolum de quatuor acris terre et prati quas Galfridus de Feryng et Iohanna uxor eius de nobis tenuerunt in Fynchyngefeld et duos solidos de uno mesuagio quod Nicholaus le cherl de nobis tenuit in Topesfeld et decem et octo denarios de uno mesuagio quod Iselota Godhewe de nobis tenuit in Topesfeld una cum homagiis et omnibus serviciis prenominatis singulorum nec non herietis releviis wardis maritagiis auxiliis escaetis ac universis et singulis iuribus et rebus que nobis de predictis et eorum heredibus et de ipsis tenementis et ea tenentibus aliquo tempore racione vel casu accidere possent in perpetuum que omnia habemus de dono Petri de Topesfeld habend et tenend predicto Willelmo et heredibus suis de se legittime procreatis libere quiete integre et hereditarie reddendo inde annuatim domui nostre de Kressyng quatuor marcas et dimidia sterlingorum ad duos anni terminos scilicet medietatem ad festum omnium sanctorum et aliam medietatem ad festum invencionis sancte crucis et faciendo capitalibus dominis feodi servicia inde debita et consueta pro omnibus serviciis consuetudinibus sectis curiarum auxiliis et demandis salva domui nostre in obitu suo et heredum suorum dimidia marca argenti nomine relevii Si forte dictus Willelmus sine heredibus de corpore suo legitime procreatis obierit quod absit volumus et concedimus quod Margeria filia dicti Petri soror eiusdem Willelmi si eum supervixerit in predictis terris redditibus et tenementis liberum et licitum habeat ingressum absque inpedimento vel contradictione nostri vel successorum nostrorum ita quod ipsa et heredes sui de corpore suo legittime procreati ipsa tenementa redditus et possessiones iure hereditarie possideant in perpetuum omnia predicta servicia domui nostre faciendo sicut predictum est Et nos predicta terras et tenementa cum redditibus et aliis pertinentiis suis predicto Willelmo et heredibus suis de corpore suo legittime procreatis vel dicte Margerie sorori sue et heredibus suis ut predictum est per predictum servicium contra omnes gentes warantizabimus quam diu carta donatoria ea nobis poterit warantizare Et si contingat quod dictus Willelmus et dicta Margeria obierint sine herede de se legittime procreato omnia predicta tenementa redditus et possessiones cum suis pertinentiis ad nos et successores nostros libere et sine contradictione aliqua revertentur In cuius rei testimonium sigillum commune capituli nostri huic scripto apposuimus Hiis testibus fratre Radulpho capellano fratre Ricardo filio Iohannis fratre Rogero de Akeney fratre Willelmo de Merden fratre Roberto Scropp fratre Ranulpho de Bremesgrave preceptore novi Templi London et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.