Sciant presentes et futuri quod nos frater Philippus de Thame sancte domus hospitalis sancti Iohannis Ierusalem prior humilis in Anglia et eiusdem domus fratres unanimi assensu et voluntate concessimus et per presentes confirmavimus Iohanni de Boys unam peciam prati in prato dicti Iohannis vocato Smalmed[] in villa de Witham prout metis et bundis dividuntur habendam et tenendam dicto Iohanni et heredibus de corpore suo exeuntibus dictam peciam prati cum suis pertinentiis in perpetuum reddendo inde nobis et successoribus nostris apud Witham in comitatu Essex[] singulis annis ad totam vitam ipsius Iohannis octodecim denarios sterlingorum ad terminos sancti Michaelis et Pasche per equales porciones Et post decessum ipsius Iohannis heredes predicti Iohannis de corpore suo exeuntes reddent nobis et successoribus nostris ibidem per annum duos solidos ad terminos predictos Et si contingat predictum redditum predictorum octodecim denariorum vel duorum solidorum ad aliquem terminorum predictorum in parte vel in toto a retro esse idem Iohannes vult et concedit pro se et heredibus suis de corpore suo exeuntibus ut predictum est quod bene liceat nobis et successoribus nostris dictam peciam prati et eciam totum pratum quod idem Iohannes tenuit in dicta villa die confeccionis presencium ingredi et ibidem distringere et huiusmodi districtiones captare abducere fugare et retinere quousque nobis et successoribus nostris de omni quod nobis sic a retro fuerit plenarie fuerit satisfactum Et si contingat dictum Iohannem sine heredibus de corpore suo procreatis obire quod absit tunc predicta pecia prati nobis et successoribus nostris integre revertatur sine inpedimento et contradiccione heredum dicti Iohannis tenenda nobis et successoribus nostris in perpetuum Et nos predicti prior et fratres totam dictam peciam prati cum suis pertinentiis predicto Iohanni et heredibus suis de corpore suo legittime exeuntibus in forma predicta contra omnes gentes warantizabimus acquietabimus et defendemus in perpetuum In cuius rei testimonium sigillum nostrum commune et sigillum dicti Iohannis huic indenture alternatim sunt appensa Datum apud Clerkenwell[] in assembleia nostra ibidem tenta die prima mensis iulii anno regni domini Edwardi regis Anglie tercii post conquestum vicesimo secundo et regni sui Franci nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.