Universis sancte matris ecclesie filiis tam futuris quam presentibus frater Rogerus Maulovell[] preceptor domus hospitalis sancti Iohannis Ierusalem in Anglia apud Mapeltrestrede salutem in Domino sempiternam Noveritis nos voluntate et assensu fratrum nostrorum concessisse et hac presenti carta nostra confirmasse Rogero filio Willelmi de Parco de Colum Comitis unum mesuegium cum quadam crofta terre appendente sicut sepibus et fossatis includitur in villa de Markeshale quod quidem mesuagium cum dicta crofta terre quondam Adam Ferthyng[] de nobis tenuit in villa predicta cum libero introitu et exitu in pasturis et communis dicte ville et cum omnibus liberis aeyiamentis ad dictum mesuagium cum dicta crofta terre spectantibus habendum et tenendum dictum mesuagium cum dicta crofta terre cum suis pertinentiis de nobis et successoribus nostris predicto Rogero et heredibus suis vel assignatis libere quiete bene et in pace integre et hereditarie in perpetuum reddendo annuatim inde nobis et successoribus nostris videlicet domui nostre de Mapeltrestede duodecim denarios videlicet ad festum sancti Michaelis sex denarios et ad festum sancti Iacobi sex denarios pro omnibus consuetudinibus sectis curie et omnibus aliis secularibus demandis Et nos fratres et successores nostri warantizabimus acquietabimus et defendemus predictum mesuagium cum dicta terra et pastura contra omnes gentes in perpetuum tam diu quam per cartas feoffatorum nostrorum warantizare poterimus In cuius rei testimonium huic presenti carte sigillum ballivie nostre de Mapeltrestede apposuimus Hiis testibus fratre Willelmo Cosyn fratre Rolaund[] de Dynam fratre Iohanne de Gynges Waltero Morell[] Iohanne Ioye Iohanne de Stobeleye Willelmo de Parco Stephano coco Thoma Aygoun[] et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.