Sciant presentes et futuri quod ego Hugo de Hodyngg[] dedi concessi et hac presenti carta mea confirmavi Deo et beate Marie [et] sancto Iohanni Baptiste et beatis pauperibus sancti hospitalis Ierusalem et eiusdem hospitalis fratribus pro salute anime mee et omnium amicorum et antecessorum meorum vivorum et mortuorum unam acram terre in parochia de Mapeltrestede magna que abuttat versus occidentem super terram Gilberti Godhewe et versus orientem super campum predicti hospitalis qui vocatur Cawedowne et iacet in longitudine inter predictum campum et cheminum Et eciam dedi et concessi predictis fratribus unam dimidiam acram pasture in predicta villa que iacet inter terram que vocatur Popis Haunstall[] ex una parte et terram que vocatur Bossis croft ex altera parte et extendit se in longitudine a prato dicti hospitalis qui vocatur Popismedwe usque cheminum quod vocatur Wodefeldstrete quod ducit de Mapeltrestede versus Halstede habendas et tenendas in liberam puram et perpetuam elemosinam sicut aliqua elemosina liberius et quiecius dari potest domui religionis Et ego predictus Hugo et heredes mei warantizabimus predictam acram terre cum dimidia acra pasture predicto hospitali contra omnes gentes Hiis testibus domino Ricardo filio Petri Alano capellano Waltero filio Alani Willelmo de Toppisfeld[] Galfrido filio Roberti Ordino le parker Willelmo de Ponte Galfrido filio Willelmi Ricardo de Chippenhom Waltero le Franc Willelmo Scott et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.