Hec indentura testatur quod domina Margeria Dyn relicta quondam domini Iohannis Dyn militis dimisit et ad firmam tradidit Waltero Brabechon de Mapeltrestede magna tres acras unam rodam et quatuordecim perticas terre arabilis iacentis in eadem villa in campo vocato Westfeld et eciam unam acram terre iacentis in una crofta iuxta domum dicti Walteri que sibi acciderunt nomine custodie post decessum Hugonis Schoremed habend et tenend totam predictam terram cum omnibus suis pertinentiis sine vasto vel distructione aliquali usque ad plenam etatem heredis dicti Hugonis reddendo inde annuatim dicte Margerie et assignatis [suis] duos solidos undecim denarios obolum et quadrantem videlicet ad festum sancti Michaelis octodecim denarios et ad festum Pasche septemdecim denarios obolum et quadrantem Et si contingat predictum Walterum in solucione redditus predicti in aliquo termino deficere vel vastum seu distructionem in terra predicta facere tunc liceat dicte Margerie et assignatis suis terram predictam reingredi et reseisire sine aliquo clameo vel contradictione Et preter hoc habeant suam actionem ad redditum et dampna contra dictum Walterum heredes vel assignatos suos Et dicta Margaria terram predictam sub forma premissa et heredes sui dicto Waltero et heredibus suis vel suis assignatis warantizabunt In cuius rei testimonium partes predicte sigilla sua alternatim apposuerunt Hiis testibus Rogero Boket Willelmo Skot Waltero Baron Elia de Neuton domino Thoma de Storemere capellano et aliis Datum apud Mapeltrestede magna die dominica in festo sancti Michaelis anno regni regis Edwardi tercii a conquestu sextodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.