Sciant presentes et futuri quod ego Willelmus Ioye dedi et concessi et hac presenti carta mea confirmavi Luce clerico filiolo meo pro homagio et servicio suo et pro quadraginta solidis esterlingorum quos michi dedit in gersumam et pro decem solidis quos dedit Elisabet uxori mee totas quatuor acras terre cum antris et sepibus et omnibus aliis pertinentiis suis in parva Mapeltrestede que vocatur Walecroft et Spitelcroft habendas et tenendas de me et heredibus meis sibi et quibuscumque eam dare vel assignare voluerit et eorum assignatis in feodo et hereditate libere et quiete bene et in pace reddendo inde annuatim michi et heredibus meis viginti denarios ad duos terminos scilicet ad festum sancti Michaelis decem denarios et ad Pascha decem denarios pro omnibus serviciis consuetudinibus et demandis Et ego Willelmus Ioye et heredes mei warantizabimus totam predictam terram cum sepibus et antris et aliis pertinentiis suis predicto Luce et quibuscumque assignaverit et eorum assignatis per predictum servicium contra omnes gentes Hiis testibus Rogero de Besevill[] Iohanne de Herlaue Roberto Hildeiard[] Waltero pincerna Roberto de Panimere Iohanne Blancpain Willelmo fabro Arnoldo Stonhard[] Asketino Mite Gileberto Cornwaleys et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.