Sciant presentes et futuri quod ego Willelmus Ioye dedi et concessi et hac presenti carta mea confirmavi Waltero pistori pro homagio et servicio suo unam peciam terre mee in parochia parve Mapeltrestede que continet in longitudine sex perticas et in latitudine ad capud occidentale viginti et octo pedes et ad capud orientale quinque pedes et iacet iuxta terram quam dedi domui hospitalis Ierusalem in campo qui vocatur Alfledesfeld[] habendam et tenendam de me et heredibus meis sibi et heredibus suis vel cuicumque illam dare vendere vel assignare voluerit preterquam domui religionis et Iudeis libere quiete bene et in pace et hereditarie reddendo inde annuatim michi et heredibus meis unum obulum ad Pascha pro omnibus serviciis consuetudinibus et demandis Et ego Willelmus Ioye et heredes mei warantizabimus predictam peciam terre sicut predictum est predicto Waltero et heredibus vel eius assignatis et eorum heredibus contra omnes homines et feminas per predictum servicium Hiis testibus Rogero de Besevill[] Waltero Morell[] Alano filio Walkelini Waltero pincerna Iohanne Blancpain Asketino Mite Gilberto Cornwaleys Roberto Hildeiard[] et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.