Hec est convencio facta inter Willelmum Ioye de Mapeltrestede et Simonem de Oddewell[] scilicet quod predictus Willelmus dimisit predicto Simoni duas acras terre in Mapeltrestede cum pertinentiis suis que iacent inter gravam Walteri persone de Mapeltrestede et domum Roberti de Fonte tenend et habend a festo sancti Michaelis proximo ante reditum regis Iohannis cum exercitu ab Hibernia scilicet anno regni eiusdem regis Iohannis duodecimo usque in sex annos pro viginti solidis sterlingorum quos predictus Simon dedit predicto Willelmo premanibus reddendo inde quolibet anno predicto Willelmo et heredibus suis duos denarios scilicet unum denarium ad Pascha et unum denarium ad festum sancti Michaelis pro omne servicio et exactione Et si predictus Willelmus et heredes sui reddiderint predicto Simoni unam marcam argenti in fine predictorum sex annorum predictus Willelmus et heredes sui recipient predictas duas acras terre solute et quiete de predicto Simone et de omnibus suis Si vero tunc non reddiderint predictam marcam predicte due acre remanebunt hereditarie predicto Simoni et heredibus suis in perpetuum tenend per predictos duos denarios pro omnibus serviciis et exigenciis Hanc convencionem fideliter observandam et warantizandam uterque eorum pro se et heredibus suis alteri affidavit Hiis testibus Willelmo Andree Ricardo de Bellocampo Hugone de la Zandr[] Galfrido filio Willelmi Ricardo Hurand[] Gilberto de Oddewell[] Willelmo de la Mare et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.