Sciant presentes et futuri quod ego Radulphus Gernun filius Oseberti de Gladefen dedi et concessi et hac presenti carta mea confirmavi Simoni de Oddewell[] et Margerie uxori sue pro homagiis et serviciis suis et pro septem marcis argenti quas michi dederunt in gersumam Walterum Luveday de parochia de Mapeltrestede cum omnibus catallis suis et cum omni secucione sua et cum toto tenemento quod tenuit quondam de Oseberto de Gladefen patre meo scilicet in campis et boschagiis in pratis et pasturis et cum omnibus predicto Waltero et tenementis pertinentibus habendum et tenendum de me et heredibus meis predictis Simoni et Margerie uxori sue et heredibus suis vel assignatis suis et heredibus assignatorum vel cui vel quibus dare legare vendere vel assignare voluerint in perpetuum libere quiete bene et in pace per liberum servicium duorum denariorum per annum solvendorum scilicet ad Natale Domini pro omnibus serviciis consuetudinibus auxiliis et demandis Et ego Radulphus Gernun et heredes mei warantizabimus predictis Simoni et Margerie uxori sue et heredibus eorum vel assignatis eorum et heredibus assignatorum predictum Walterum et catalla sua et secucionem suam et totum prenotatum tenementum sicut predictum est per prenotatum servicium contra omnes homines et feminas Hiis testibus Michaele Oranus Petro filio Ricardi Aulirico filio Petri Ricardo Hurand[] Willelmo marescallo Ricardo filio Gilberti Warino pictore Willelmo Scoto Waltero Morell[] Willelmo Ioye et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.