Universis sancte matris ecclesie filiis tam presentibus quam futuris Walterus Pulain salutem Sciatis omnes quod ego dedi et hac presenti carta mea confirmavi Deo et sancte Marie et beato Iohanni Baptiste et beatis pauperibus sancti hospitalis Ierusalem et fratribus eiusdem domus terram meam in parva Mapeltrestede que vocatur Asciesfeld[] et Grimeleye cum omnibus pertinentiis ad terras predictas pertinentibus pro salute anime mee et antecessorum et heredum meorum tam libere et quiete ut ulla elemosina liberius et quiecius domui religionis dari potest Et ego Walterus et heredes mei warantizabimus totas predictas terras cum omnibus pertinentiis prefatis fratribus contra omnes gentes Et quia volo quod hoc donum meum et hec mea elemosina firma et stabilis et absque dolo sit sigillo meo corroboravi Hiis testibus domino Roberto de Cantelou domino Radulpho de Hodenge Waltero persona de magna Mapeltrestede Simone de Cantelou Iohanne sacerdote de parva Mapeltrestede Aitrop de Blaveni Willelmo Ioie Alwino Cristemasse Reginaldo tailur Radulpho clerico de Senegeye et Willelmo de Salsetun[] qui scripsit hanc cartam et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.