Hec est finalis concordia facta in curia domini regis apud Westmonasterium in quindena sancti Iohannis Baptiste anno regni regis Henrici filii regis Iohannis quadragesimo coram magistro Simone de Wauton Roberto de Shotyngdon et Iohanne de Cokefeud iusticiariis et aliis domini regis tunc ibi presentibus inter Warinum le pestur et Margeriam de Lamburne petentes et fratrem Elyam de Smetheton priorem hospitalis sancti Iohannis Ierusalem in Anglia tenentem per Adam Mabun positum loco suo ad lucrandum vel perdendum de decem et octo acris terre cum pertinentiis in parva Mapeltrestede et inter eosdem Warinum et Margeriam petentes et predictum priorem quem Basilia de Begham vocavit ad warantum et qui ei warantizavit de una acra terre et dimidia et una acra prati cum pertinentiis in eadem villa et inter eosdem Warinum et Margeriam petentes et predictum priorem quem Cristiana filia Walteri Morell vocavit ad warantum et qui ei warantizavit de una acra terre cum pertinentiis in eadem villa et inter eosdem Warinum et Margeriam petentes et predictum priorem quem Roesia la lavendere vocavit ad warantum et qui ei warantizavit de una acra terre et dimidia cum pertinentiis in eadem villa et inter eosdem Warinum et Margeriam petentes et predictum priorem quem Roesia a la Broke vocavit ad warantum et qui ei warantizavit de una acra bosci cum pertinentiis in eadem villa et inter eosdem Warinum et Margeriam petentes et predictum priorem quem Alureda que fuit uxor Walteri Loveday vocavit ad warantum et qui ei warantizavit de tribus acris terre cum pertinentiis in eadem villa et inter eosdem Warinum et Margeriam petentes et predictum priorem quem Simon Loveday vocavit ad warantum et qui ei warantizavit de dimidio acre terre cum pertinentiis in eadem villa et inter eosdem Warinum et Margeriam petentes et predictum priorem quem Iohannes filius Thome Supud vocavit ad warantum et qui ei warantizavit de sex denariis redditis cum pertinentiis in eadem villa unde placitum fuit inter eos in eadem curia scilicet quod predicti Warinus et Margeria remiserunt et quietum clamaverunt de se et heredibus suis predicto priori et successoribus suis et fratribus predicti hospitalis totum ius et clameum quod habuerunt in predicto tenemento cum pertinentiis in perpetuum et idem prior recepit predictos Warinum et Margeriam et heredes eorum in singulis benefactis et orationibus que de cetero fient in ecclesia sua predicta in perpetuum

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.