Omnibus sancte matris ecclesie filiis hoc scriptum visuris vel audituris Walterus filius Nigelli Templarius de Lindesele salutem in Domino Noverit universitas vestra me concessisse dedisse et hac presenti carta mea confirmasse Deo et beate Marie et beato Iohanni Baptiste et beatis pauperibus hospitalis Ierusalem et fratribus eiusdem domus in Anglia apud Mapeltrestede Deo servientibus pro salute anime mee et antecessorum meorum duos denarios annui redditus de heredibus Ricardi fratris mei percipiendos ad duos terminos anni scilicet ad festum sancti Michaelis unum denarium et ad Pascha unum denarium pro una dimidia acra terre cum edificiis quam predictus Ricardus frater meus de me tenuit in villa de Lindesele que scilicet iacet inter terram meam et terram domini Radulphi Pirot cum homagiis wardis releviis escaetis et cum omnibus aliis pertinentiis que aliquo casu michi vel heredibus meis inde possent accidere habendos et tenendos dictis fratribus et eorum successoribus in perpetuum adeo libere adeo quiete sicut aliqua elemosina potest dari alicui domui religionis in puram et perpetuam elemosinam Et ego predictus Walterus et heredes mei warantizabimus acquietabimus et defendemus predictos duos denarios annui redditus cum omnibus suis pertinentiis sicut predictum est predictis fratribus et eorum successoribus in perpetuum In huius rei testimonium hanc presentem cartam meam sigilli mei inpressione roboravi Hiis testibus Iohanne de Kent Willelmo filio eius Radulpho de Boys Willelmo de Boys Simone fabro Gregorio cart[ario] Urney de Lindeselle et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.