Omnibus Christi fidelibus ad quos presens scriptum pervenerit Roesia lotrix de parva Mapeltrestede salutem in Domino Noverit universitas vestra me pro salute anime mee et animabus antecessorum et successorum meorum remisisse et quietum clamasse Deo et beate Marie et sancto Iohanni Baptiste et beatis pauperibus hospitalis Ierusalem et fratribus eiusdem domus in Anglia Deo servientibus pro me et heredibus meis totum ius et clamium quod habui vel aliquo modo habere potui in toto tenemento cum omnibus pertinentiis suis quod quondam consuevi tenere in parochia de parva Mapeltrestede cum omnibus libertatibus et liberis consuetudinibus ad predictum tenementum spectantibus habendum et tenendum predictis fratribus et eorum successoribus in liberam puram et perpetuam elemosinam adeo libere et quiete sicut aliqua elemosina liberius et quiecius alicui domui religionis dari potest in regno Anglie Et ne ego predicta Roesia nec aliquis heredum meorum aliquid iuris vel clamii in toto predicto tenemento cum omnibus pertinentiis suis de cetero vendicare possimus huic scripto presenti sigillum meum apposui Hiis testibus domino Petro de Mervile Roberto Hildeyerd[] Rogero de Besevill[] Ricardo de Othulvesho Roberto de Chelmesho Waltero Morel Hugone Ioye Stephano Prudhumme Alano Panimere et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.