Omnibus Christi fidelibus presens scriptum visuris vel audituris Thomas de la Brok[] de Halstede et Margeria uxor mea salutem in Domino sempiternam Noveritis quod nos Thomas et Margeria supradicti remisimus et omnino pro nobis et heredibus nostris quietum clamavimus Deo et beate Marie et sancto Iohanni Baptiste et fratribus sancte domus hospitalis apud Mapeltrestede commorantibus et ibidem Deo servientibus totum ius et clamium quod habuimus vel aliquo modo habere potui iuris in una pecia terre cum suis pertinentiis quam Walterus pistor de hospitale aliquo tempore tenuit et iacet in campo qui vocatur Alfledesfeld[] ita tamen quod nec nos nec heredes nostri aliquid iuris vel clamii in predicta pecia terre cum suis pertinentiis de cetero petere vel vendicare poterimus Et nos predicti Thomas et Margeria et heredes nostri predictam peciam terre cum suis pertinentiis predicte domui hospitalis warantizabimus acquietabimus et in omnibus plenarie defendemus contra omnes gentes in perpetuum In cuius rei testimonium huic presenti scripto sigilla nostra fecimus apponi Hiis testibus Rogero Franceys Willelmo Panimere Gilberto Gegge Iohanne Ioye Vincentio de Pentelawe Iohanne Blancpayn et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.