Sciant presentes et futuri quod ego Iohannes Franceys de Halstede dedi concessi et hac presenti carta mea confirmavi Iohanni Styward perpetuo vicario de Halstede et Iohanni de Assh[ford] unam peciam prati et unam croftam coniunctim iacentes in villa de Mapeltrestede magna inter pratum Henrici Stullok ex parte una et terram dicti Henrici ex parte altera et abuttat ad unum capud super stratam ducentem de Mapeltrestede magna versus Halstede et ad aliud capud super terram dicti Henrici habend et tenend predictum pratum et croftam terre prefatis Iohanni et Iohanni heredibus et assignatis suis de capitalibus dominis feodi illius per servicium inde debitum et de iure consueto Et ego predictus Iohannes Fraunceys et heredes mei dicta pratum et croftam terre predictis Iohanni Stiward et Iohanni de Ahssh[ford] heredibus et assignatis suis contra omnes gentes warantizabimus in perpetuum In cuius rei testimonium huic presenti carte sigillum meum apposui Hiis testibus domino Iohanne de Haukwod Gerardo Heromet Iohanne Costentyn Thoma Hereward Roberto Colyn et aliis Datum apud Mapeltrestede magnam die martis proxima post octavum Pasche anno regni regis Edwardi tercii post conquestum tricesimo septimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.