Die sancti Kenelmi martiris anno regni regis Edwardi vicesimo convenit inter Radulphum de Wetheresdene et Sarram eius uxorem ex una parte et Robertum wal et Ioyousam eius uxorem ex altera videlicet quod dicti Radulphus et Sarra dederunt concesserunt et omnino quietum clamaverunt pro se et eorum heredibus dictis Roberto wall et Ioyouse et eorum heredibus seu assignatis totum ius et clamium quod unquam habebant seu habere poterunt in quodam tenemento quod dicitur Helmeslond in villa de magna Mapeltrestede et eciam in undecim operibus eisdem Radulpho et Sarre de dicto tenemento debitis scilicet pro tribus peciis terre dictorum Roberti et Ioyouse eisdem Radulpho et Sarre in escambiis libere datis concessis et totaliter sine ullo servicio quietum clamatis quarum una iacet inter terram Roberti Pakkeleg ex una parte et terram Radulphi predicti ex altera et abuttat unum capud super regale cheminum et aliud super terram eiusdem Radulphi et altera inter terram Roberti Pakkeleg et spinetam unde unum capud abuttat super terram dicti Roberti Pakkeleg et aliud super terram dicti Roberti wal et altera inter terram dicti Radulphi ex una parte et cheminum quod ducit de ecclesia de Mapeltrestede predicta versus domum Walteri Barun et abuttat unum capud super cheminum quod dicitur Chircheweye et aliud super terram Thome de Hodingge et iacent iste tres pecie terre in villa de Mapeltrestede in campo vocato Cherchefeld Volunt eciam et concedunt partes predicte ut dictum tenementum quod dicitur Helmeslond libere integre in perpetuum remaneat dictis Roberto et Ioyouse et eorum heredibus seu assignatis sine ullo servicio eisdem Radulpho et Sarre vel eorum heredibus faciendo Et tres pecie terre antedicte remaneant dictis Radulpho et Sarre eorum heredibus vel assignatis sine aliqua contradictione dictorum Roberti et Ioyouse ac sine ullo servicio eisdem vel eorum heredibus faciendo In cuius rei testimonium partes predicte altero alterius instrumento ad modum cirografi confecto sigilla sua apposuerunt Hiis testibus Thoma de Hodingge Roberto Pakkeleg Rogero de Fenleye Nicholao le harper Iohanne Aspelun Waltero Barun Sthephano Scott

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.