Sciant presentes et futuri quod ego Iohannes le schepherde de Upschir in parochia de Waltham Sancte Crucis dedi concessi et hac presenti carta mea confirmavi domui hospitalis sancti Iohannis de Ierusalem de Mapeltrestede parva duos denarios annualis redditus de quodam mesuagio iacente in villa predicta inter tenementum predicti Iohannis ex parte una et mesuagium Willelmi le sawier ex parte altera unde unum capud abuttat super regale cheminum versus orientem et aliud capud abuttat super terram predicti Iohannis versus occidentem continente in latitudine ad unum capud versus orientem octodecim pedes et ad aliud capud versus occidentem triginta pedes et in longitudine ex utraque parte septem perticates et dimidiam habend et percipiendos predictos duos denarios annualis redditus annuatim die confrarie pro animabus antecessorum suorum simul cum wardis mariagiis releviis escaetis et cum omnibus aliis pertinentiis Et ego predictus Iohannes et heredes mei predictos duos denarios annualis redditus predicte domui hospitalis ut predictum est contra omnes gentes warantizabimus in perpetuum In cuius rei testimonium huic presenti carte sigillum meum apposui Hiis testibus domino Iohanne Storemyn milite Iohanne Anesty Iohanne Brodoze Iohanne Coclond Willelmo de Tewyngge Willelmo Brodeze Willelmo Bryzthnoth et aliis Datum apud Waltham Sancte Crucis [die] dominica proxima ante festum sancti Michaelis anno regni regis Edwardi tercii a conquestu septimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.