Sciant presentis et futuri quod ego Iohannes Forester vicarius ecclesie de Mapeltrestede magna dedi concessi et hac presenti carta mea confirmavi Ricardo atte Wode de parva Mapeltrestede et domino Ricardo Frere capellano ecclesie eiusdem ville tres rodas terre in una pecia cum domibus superedificatis et omnibus suis pertinentiis sicut iacet in Mapeltrestede parva videlicet inter campum hospitalis sancti Iohannis ex parte una et viam regiam de Halstede ducentem versus Gestyngthorpe ex parte altera abuttante uno capite super tenementum Elene Waldeschef et alio capite super terram Thome Waldeschef habend et tenend predictas tres rodas terre cum domibus superedificatis et omnibus suis pertinentiis predictis Ricardo et domino Ricardo heredibus et assignatis eorum de capitalibus dominis illius feodi per servicia inde debita et de iure consueta Et ego Iohannes Forester et heredes mei prefatas tres rodas terre cum domibus superedificatis et omnibus suis pertinentiis prefatis Ricardo et domino Ricardo heredibus ac assignatis eorum contra omnes gentes warantizabimus in perpetuum In cuius rei testimonium huic presenti carte mee sigillum meum apposui Hiis testibus Willelmo Daundevyle Iohanne atte Park Iohanne Colyn Willelmo Neue Nicholao Walke et aliis Datum apud Mapeltrestede parvam primo die iulii anno regni regis Ricardi secundi post conquestum quarto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.