Sciant presentes et futuri quod nos Ricardus atte Wode de Mapeltrested parva et Ricardus Frere capellanus eiusdem ville dedimus concessimus et hac presenti carta nostra confirmavimus domino Iohanni Bevereche capellano de Halstede Willelmo Neue Willelmo Daundevyle et Iohanni Colyn de Mapeltrestede predicta tres rodas terre cum domibus superedificatis et omnibus suis pertinentiis sicut iacet in villa de Mapeltrestede parva videlicet inter campum hospitalis sancti Iohannis ex parte una et viam regiam ducentem de Halstede versus Gestyngthorpe ex altera unde unum capud abuttat super tenementum Elene Waldeschef et aliud super terram Thome Waldeschef habend et tenend predictas tres rodas terre cum domibus superedificatis et omnibus aliis suis quibuscumque pertinentiis predictis domino Iohanni Bevereche Willelmo Neue Willelmo Daundevyle et Iohanni Colyn heredibus et assignatis suis de capitalibus dominis illius feodi per servicia inde debita et de iure consueta Et nos prefati Ricardus atte Wode et Ricardus Frere capellanus et heredes nostri predictas tres rodas terre cum domibus superedificatis et omnibus aliis suis pertinentiis prefatis domino Iohanni Willelmo Willelmo et Iohanni heredibus et assignatis suis contra omnes gentes warantizabimus in perpetuum In cuius rei testimonium huic presenti carte sigilla nostra apposuimus Hiis testibus Nicholao Walke Willelmo Geg Waltero Panymere Iohanne warde Thoma Ryder et aliis Datum apud Mapeltrestede parvam die mercurii in festo sancti Oswaldi martiris anno regni regis Ricardi secundi a conquestu septimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.