Omnibus hominibus tam presentibus quam futuris ad quos presens scriptum pervenerit Beatrix de Lucy salutem Sciatis me concessisse et dedisse et hac presenti carta mea confirmasse Deo et beate Marie et sancto Iohanni Baptiste et beatis pauperibus sancti hospitalis Ierusalem et fratribus eiusdem domus pro me et anima patris mei et matris mee et omnium parentum et amicorum meorum vivorum et mortuorum illas decem acras terre mee in Cristeshale cum pertinentiis de dimidia virgata terre que vocatur Wodeland[] quas Osbertus akerman tenuit et unam acram terre cum pertinentiis obviam ex altera parte chemini quod extendit de domo persone de Cristeshale versus ecclesiam ante portam ipsius Osberti et illas decem acras terre cum pertinentiis in Elmedone quas Arnoldus tenuit cum omnibus libertatibus et liberis consuetudinibus et aisiamentis in liberam puram et perpetuam elemosinam sicut aliqua elemosina liberius et quiecius dari potest domui religionis Et ego Beatrix de Lucy et heredes mei warantizabimus contra omnes gentes totam predictam terram cum pertinentiis et omnibus libertatibus et liberis consuetudinibus et aisiamentis predicte domui hospitalis et fratribus eiusdem domus ut simus participes omnium bonorum sancti hospitalis Ierusalem in perpetuum Hiis testibus domino Serlone de Marci domino Hamone de Marci domino Henrico Lohot domino Gervasio de Cogeleys domino Hamone de Askecot domino Richero de Beauchamp domino Radulpho Muschat Radulpho Tayllard[] Philippo de Elmedone et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.