Notum sit omnibus sancte matris ecclesie fidelibus tam presentibus quam futuris quod ego Radulphus de Diva prior fratrum hospitalis Ierusalem communi assensu fratrum tocius capituli nostri dedi et concessi et hac carta confirmavi Iordano camerario Ricardo de Lucy totam terram nostram de Cristeshale quam habemus ex dono et elemosina Ricardi Sorel concessu Roberti de Lucy domini sui sibi et heredibus suis tenendam de domo nostra in feodo et hereditate libere quiete et honorifice cum omnibus libertatibus et liberis consuetudinibus nobis a domino rege concessis reddendo inde singulis annis domui nostre pro omni servicio et seculari exaccione nobis inde pertinente unam marcam argenti dimidiam ad Pascha et dimidiam ad festum sancti Michaelis sub tali condicione quod ad obitum ipsius Iordani et singulorum heredum suorum tota tercia pars catallorum suorum que tunc erunt in feodo illo domui nostre remanebit et pro hac donacione et confirmacione dedit predictus Iordanus domui nostre de gersuma viginti solidos Hiis testibus fratre Mattheo fratre Alano fratre Godardo fratre Philippo fratre Aldberto tunc magistro de London[ia] fratre Samsone fratre Gileberto fratre Willelmo Feledeav

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.