Omnibus Christi fidelibus ad quos presens scriptum pervenerit Edwardus Bisshop et Matildis uxor eius et Cecilia soror predicte Matildis salutem in Domino Noverit universitas nos pro salute animarum nostrarum et omnium antecessorum et successorum nostrorum dedisse et concessisse et hac presenti carta nostra confirmasse Deo et beate Marie et sancto Iohanni Baptiste et beatis pauperibus et fratribus hospitalis sancti Iohannis Ierusalem in Anglia Deo servientibus unam acram et dimidiam terre nostre cum uno mesuagio cum pertinentiis suis et unum curtillagium cum suis pertinentiis in villa de Lamburne unde predicta acra terre et dimidia cum predicto mesuagio et pertinentiis suis iacent iuxta commune cheminum quod ducit a domo Henrici filii Henrici usque ad boscum scilicet versus occidentem et se extendunt a terra Gilberti cementarii versus aquilonem et predictum curtilagium cum pertinentiis suis extendit se a curtilagio Rogeri filii Ricardi usque ad mesuagium Martini de Stocefeld[] habendam et tenendam predictam terram cum predicto mesuagio et cum predicto curtilagio et omnibus aliis pertinentiis suis in liberam puram et perpetuam elemosinam in perpetuum Nos autem predicti Edwardus et Matildis uxor mea et Cecilia soror predicte Matildis predictam terram cum predicto mesuagio et cum predicto curtilagio cum pertinentiis predictis fratribus et eorum successoribus in perpetuum contra omnes homines et feminas warantizabimus acquietabimus et defendemus Et ut hec nostra donacio concessio warantizacio acquietacio et defensio stabilis rata et inconcussa perseveret huic presenti scripto sigilla nostra apposuimus Hiis testibus Willelmo de Lamburne Philippo mercatore Ricardo de Ype Andrea clerico Ricardo Alured[] Thoma buscell[] Thoma Patrik et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.