Omnibus hoc scriptum visuris vel audituris Cecilia filia Walteri Sparke de Lamburne salutem in Domino Noveritis me in legittima potestate mea concessisse reddidisse et in perpetuum de me et heredibus meis quietum clamasse domino meo priori hospitalis sancti Iohannis Ierusalem in Anglia et fratribus eiusdem domus quinque acras terre cum omnibus pertinentiis suis in villa de Lamburne quas aliquando de eis tenui scilicet que iacent in campo qui vocatur Middelleye ita quod nec ego nec aliquis heredum meorum aliquid iuris vel clamii in predictis quinque acris terre cum omnibus pertinentiis suis habere petere vel vendicare poterimus in perpetuum preterea concessi pro me et heredibus meis in perpetuum predictis priori et fratribus liberum introitum et exitum eundi redeundi fugandi et cariandi ad predictam terram et de predicta terra videlicet a chemino Willelmi de Lamburne quo itur ad terram que fuit Cristofori scilicet a via regali que se extendit ab Affebruge usque Rumford[] In cuius rei testimonium hoc scriptum sigilli mei inpressione roboratum predictis priori et fratribus et eorum successoribus pro me et heredibus meis fieri feci Hiis testibus Willelmo de Lamburne Willelmo de Binesle Henrico de Lamburne clerico Alexandro de Writele Thoma bussell[] Ricardo Davi Waltero Lucas Philippo de Affebruge marcatore Ricardo Dipre et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.