Noverint universi hoc scriptum visuri vel audituri quod ego Alexander Bunch de Bellocampo Willelmi concessi et quietum clamavi sancte domui hospitalis de Mapeltrestede et fratribus ibidem Deo servientibus totum ius et clamium quod habui vel aliquo modo habere potui in uno denario annualis redditus proveniente de duabus acris terre et una domo superedificata et totum ius dominium et clamium quod habui vel quoquo modo habere potui in duobus hominibus tenentibus dictas duas acras terre cum homagiis releviis wardis et aliis escaetis omnibus que ad dictam terram et homines predictos evenire aliquo modo poterunt quarum acrarum una acra que predicta domus desuper est edificata iacet in longitudine inter viam que se extendit a curia domini Thome filii Otonis in villa de Bellocampo Otonis versus Gestyngthorp et terram Hugonis de Altoye et abuttat se uno capite versus austrum super terram predicti Hugonis et alio capite versus aquilonem super campum qui vocatur Cherichfeld[] et alia acra iacet in campo qui vocatur Colewelledune inter terram predicti Thome filii Otonis et terram Roberti clerici et abuttat se uno capite versus [septentrionem] super quemdam campum qui vocatur Scilcroft et alio capite versus boream super pratum quod vocatur Colewellemed[] in parochia de Bellocampo Otonis habenda et tenenda dictum redditum ius dominium et clamium totum ut predictum est predicte domui et fratribus libere quiete bene et in pace in perpetuum sine contradictione mei vel heredum meorum In huius rei testimonium presenti scripto quiete clamacionis mee sigillum meum apposui Hiis testibus Roberto clerico Bartholomeo le fiz Iohannis Iohanne le grom Ricardo de Estone Petro de Estone Rogero le gardin[er] Iohanne ad Brome Willelmo carpentario Hugone Ioye Waltero Morel Willelmo Panimere Hugone clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.