Omnibus Christi fidelibus hoc scriptum visuris vel audituris frater Thomas de Lydegard magister tunc temporis de Mapeltrestede salutem in Domino Noveritis nos unanimi assensu fratrum nostrorum de Mapeltrestede concessisse dedisse et hoc presenti scripto confirmasse Constancie relicte Walteri Honing de Colcestria illam domum que sita est super feodum hospitalis de Mapeltrestede in parochia sancti Nicholai Colcestrie propinquiorem mesuagio Katerine le scipmannes cum duobus sellionibus continentibus in se septemdecim pedes in latitudine et in longitudine a dicta domo usque ad murum qui est inter dictum feodum hospitalis et curtilagium Willelmi Lutecope habend et tenend dictam domum cum dictis sellionibus de nobis et successoribus nostris dicte Constancie et Alicie prefate Constancie filie quam diu vixerint libere quiete bene et [in] pace reddendo inde annuatim nobis et successoribus nostris unam radicem gingiberis semper ad Pascha pro omnibus serviciis exaccionibus et demandis In huius rei testimonium huic presenti scripto sigillum nostrum apponi fecimus Hiis testibus Nicholao medico Waltero aurifabro tunc baillivis Colcestrie Willelmo Lutecope David textore Galfrido le Dan et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.