Sciant presentes et futuri quod ego Simon filius Godefridi de Colcestria capellanus concessi dedi et hac presenti carta mea confirmavi Ricardo de Bercholte marcatori tres solidatus annui redditus percipiendos annuatim ad duos terminos anni videlicet medietatem ad festum sancti Michaelis et aliam medietatem ad Pascha de quodam mesuagio cum suis pertinentiis in suburbio Colcestrie extra portam orientalem quod quondam fuit Arnulphi Brabon et quod idem Arnulphus emit quondam de Thoma textore quod quidem mesuagium iacet inter tenementum quondam Walteri Chaldters ex una parte versus le est et tenementum quondam Alexandri capellani ex altera versus le west et unum denarium annui redditus percipiendum annuatim de quodam stallo in foro Colcestr[ie] qui quondam fuit dicti Godefridi patris mei ex opposito mesuagio quod quondam fuit dicti Godefridi semper ad festum sancti Michaelis habend et tenend predictos tres solidos et unum denarium annui redditus de me et heredibus meis vel meis assignatis predicto Ricardo et heredibus suis vel suis assignatis et cuicumque vel quandocumque ac quibuscumque illos dare legare vendere invadiare aut quocumque modo assignare voluerit libere quiete bene et in pace in perpetuum reddendo inde annuatim heredibus Galfridi filii Reymundi vel suis assignatis duos gallos silvestros vel duas cercellas semper ad Natale Domini et michi et heredibus meis vel meis assignatis unum clavum gariofili semper ad Pascha pro omnibus serviciis consuetudinibus exaccionibus et demandis secularibus Pro hac autem concessione donacione et presentis carte mee confirmacione dedit michi dictus Ricardus quindecim solidos sterlingorum in gersumam Et ego predictus Simon et heredes mei vel mei assignati warantizabimus acquietabimus et defendemus predictos tres solidatos et unum denarium annui redditus predicto Ricardo et heredibus suis vel suis assignatis et eorum heredibus et sic de herede in heredem et de assignato in assignatum in omnibus contra omnes homines et feminas mortales per predictum servicium faciendum in perpetuum In cuius rei testimonium huic presenti carte sigillum meum apposui Hiis testibus Nicholao medico Waltero aurifabro tunc baillivis Colcestrie Olivero filio Elie Roberto le Gros Iohanne filio Elie Henrico Godyar Ricardo le bard Rogero Lamb Oseberto carnifice Iohanne le Gogel Iohanne Pod et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.