Omnibus Christi fidelibus ad quos presens scriptum pervenerit frater Iosep de Chauncy fratrum hospitalis sancti Iohannis Ierusalem humilis prior in Anglia salutem in Domino Noverit universitas vestra nos unanimi assensu fratrum nostrorum totius capituli nostri dedisse concessisse [et hac] presenti carta confirmasse Ricardo Bercholte totum tenementum illud quod Walterus Honing quondam de nobis tenuit in parochia sancti Nicholai Colcestr[ie] scilicet illud tenementum quod iacet inter mesuagium Katerine le schipmannes ex una parte versus orientem et vicum qui vocatur Wirstrate ex altera versus occidentem in longitudine et latitudine inter domum Iohannis Gerold versus austrum et regalem viam versus aquilonem habend et tenend dictum tenementum integrum cum domibus et cum omnibus aliis pertinentiis suis de nobis et successoribus nostris predicto Ricardo et heredibus suis libere quiete bene et in pace in perpetuum reddendo inde annuatim domui nostre de Mapeltrestede duodecim denarios argenti ad duos terminos videlicet ad festum sancti Michaelis sex denarios et ad Pascha sex denarios et quocienscumque fratres hospitalis predicti vel eorum clerici ad domum predicti Ricardi et heredum suorum in eadem villa de Colcestr[ia] declinare seu pernoctare contigerint predictus vero Ricardus et heredes sui predictis fratribus et eorum clericis semper invenient stramen competens ad lectos buscam sufficienter albas sufficienter candelas coram eisdem ardentes sal ad eorum mensam et aquam et in obitu dicti Ricardi et heredum suorum de herede in heredem duas marcas argenti pro omnibus serviciis exaccionibus et secularibus cunctis demandis Et ad maiorem securitatem habend huic presenti carte cirografate sigillum nostrum fecimus apponi Hiis testibus fratre Willelmo de Haunleg fratre Willelmo de Chelesham tunc preceptore de Mapeltrestede fratre Roberto de Askeby fratre Roberto de Gloucestr[ia] fratre Stephano de Wilecestr et aliis Datum apud Melcheburne in celebracione capituli nostri ad festum sancti Michaelis anno Domini millesimo ducentesimo septuagesimo septimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.