Omnibus sancte matris ecclesie fidelibus presentibus et futuris Clemens filius Reginaldi salutem Sciatis me dedisse et concessisse et hac presenti carta confirmasse Deo et sancte Marie et sancto Iohanni Baptiste et beatis pauperibus sancti hospitalis Ierusalem et fratribus eiusdem domus assensu uxoris mee et heredis mei 23 acras terre in Perendona de feodo comitis Glocestr[] in liberam et quietam in puram et perpetuam elemosinam ab omnibus secularibus serviciis et exaccionibus michi vel heredibus meis inde pertinentibus ita libere et quiete sicut aliqua elemosina melius vel liberius vel quiecius dari potest Hanc donacionem feci ego pro salute anime mee et patris mei et matris mee et fratrum sororum parentum et omnium amicorum meorum et ut participes fiamus de omnibus beneficiis que iugiter fient in sancta domo hospitalis Ierusalem Testibus Witsand[] Ambrosie de Perendona Hamone filio Rogeri Iun de Perendon[] Roberto filio Rogeri de Witsand[] et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.