Omnibus sancte matris ecclesie filiis ad quos presens scriptum pervenerit Ingelerus de Cauntelou salutem Noveritis me pro salute anime mee et Margerie uxoris mee et omnium antecessorum et successorum meorum dedisse concessisse et presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus totam illam sepem cum pertinentiis suis in parochia de Pebeners que dividit Brichrichesleye et terram Puleyn et continet in longitudine quinquaginta perticas et in latitudine unam perticam et sex pedes et ad levandum quoddam fossatum in eadem longitudine et latitudine sicut predictum est habendam et tenendam in liberam puram et perpetuam elemosinam sicut aliqua elemosina liberius et quiecius dari potest alicui domui religionis Et predictus ego Ingelerus et heredes mei warantizabimus totam predictam donacionem cum suis pertinentiis predicte domui hospitalis et eiusdem domus fratribus contra omnes homines et feminas in perpetuum Hiis testibus domino Hugone de Lassandre Petro filio Ricardi de Haltsted[] Gilberto filio Henrici Iohanne de Herlawe Rogero de Besevill[] Waltero Morell[] Asketin Mite Waltero pincerna Waltero de Bellocampo clerico et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.