Notum sit omnibus sancte matris ecclesie fidelibus presentibus et futuris quod ego damisele Roise de Heliun pro salute anime mee et pro animabus antecessorum et successorum et omnium parentum et amicorum dedi et concessi et presenti carta confirmavi Deo et sancte Marie et sancto Iohanni Baptiste et beatis pauperibus sancte domus hospitalis Ierusalem et fratribus in eadem domo Deo servientibus undecim acras terre culte in Sturemere scilicet quinque acras que descendunt usque ad viam que ducit a molendino usque ad aulam et quatuor acras quas Sweia tenuit et duas acras apud Bumsted[] cum mansura que pertinet ad illas duas acras et dimidiam acram prati et gravam quandam que vocatur Brichnotheshey in liberam et puram et perpetuam elemosinam sicut aliqua elemosina melius et liberius et [quiecius] dari potest Quam elemosinam ego Roisia de Heliun predictis fratribus warantizabo pro posse meo contra omnes homines cum racione Hiis testibus Rogero filio Warini Rogero de Heliun Reginaldo episcopo Bathonien[si] Savarico archidiacono Willelmo comite de Saresbir[iensi] Gaufrido de Sancto Georgio Radulpho dapifero episcopi Bathonien[si] Simone Bordello Stephano de Swineford[] Willelmo clerico

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.