Omnibus sancte matris ecclesie filiis etc Andreas de Heliun Noveritis me dedisse concessisse et hac presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis et eiusdem domus fratribus pro salute anime mee et omnium antecessorum meorum vivorum ac mortuorum sex acras terre mee arabilis in villa de Bumsted[] que iacent in campo qui vocatur Kyngesb[ur]y quarum due acre et dimidia iacent inter terram quam Robertus de Insula clericus habet ad firmam unde unum capud abuttat super terram Ri[cardi] filii Rogeri et aliud super cheminum de molendino et tres acre et dimidia iacent ex altera parte molendini versus boream inter dominicum meum et terram quam Robertus de Insula habet ad firmam unde unum capud abuttat super cheminum molendini in liberam puram et perpetuam elemosinam sicut aliqua elemosina liberius et quiecius dari potest alicui domui religionis Et ego predictus Andreas et heredes mei warantizabimus predictam terram cum pertinentiis sicut predictum est prefate domui hospitalis et eiusdem domus fratribus contra omnes homines et feminas et Iudeos in perpetuum Hiis testibus etc.

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.