Sciant presentes et futuri quod ego Lancelinus filius Radulphi de Bomestede Helyun concessi dedi et hac presenti carta mea confirmavi Deo et beate Marie et beato Iohanni Baptiste et priori ac fratribus hospitalis Ierosolomitani in Anglia pro triginta solidis argenti quos michi dederint in gersummam tres acras terre arabilis cum suis omnibus pertinentiis iacentes integre in dicta villa de Bomestede in quodam campo qui vocatur Richoldesfeld inter terram prioris de Hatfeud Regis et terram dicti hospitalis unde unum capud abuttat super quoddam chiminum quod vocatum est le Vert Chymyn et aliud capud abuttat super terram heredum Willelmi Waryn habend et tenend de me et heredibus meis dictis priori et fratribus et eorum successoribus et cui et quibus dictas tres acras terre cum pertinentiis dare vendere vel assignare voluerint libere quiete integre bene et in pace in feodo et iure hereditario imperpetuum reddendo inde per annum michi et heredibus meis vel meis assignatis duos denarios ad duos anni terminos scilicet ad Pascha unum denarium et ad festum beati Michaelis unum denarium pro omnibus serviciis consuetudinibus auxiliis omnimodis sectis curie et demandis temporalibus Et ego prefatus Lancelinus et heredes mei et assignati mei predictas tres acras terre cum suis omnibus pertinentiis prenominatis priori et fratribus et suis successoribus contra omnes gentes warantizabimus defendemus et acquietabimus per servicium antedictum imperpetuum In cuius rei testimonium presenti carte sigillum meum apposui Hiis testibus domino Andrea de Helyun milite Rogero de Bayloll Petro filio Rogeri filii Bernardi Willelmo de Belencombr Rogero camerario Gilberto filio Mathei Galfrido de Holmestede Willelmo Longhals Michaele clerico Willelmo del Hoo Henrico Andre Roberto de Bomestede et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.