Anno regni regis Edwardi decimo nono in festo beati Michaelis convenit inter fratrem Alexandrum de Micham tunc preceptorem sancte domus hospitalis sancti Iohannis Ierusalem apud Mapeltrestede tradentem ex parte una et Iohannem de Olmested recipientem ex altera Videlicet quod dictus frater Alexander tradidit ac dimisit dicto Iohanni et heredibus suis vel assignatis totum tenementum cum domibus superedificatis quod Rogerus de Stanburn quondam tenuit de feodo hospitalis in villa de Bomsted Heliun cum omnibus suis pertinentiis usque ad finem duodecim annorum bene completorum Quod quidem tenementum devenit in custodia dicti fratris Alexandri post decessum dicti Rogeri usque ad plenariam etatem Willelmi filii et heredis dicti Rogeri Et dictus Iohannes et heredes sui vel assignati domos et alia edificia ad dictum tenementum pertinentia in eodem statu quo ea recepit usque ad finem dicti termini conservabit Reddendo inde annuatim dominis feodi omnia servicia inde debita et consueta et dicto fratri Alexandro vel eius certo attornato singulis annis usque ad finem duodecim annorum in festo sancti Michaelis duos solidos argenti In cuius rei testimonium presentibus scriptis sigillum baiulie de Mapeltrestede et sigillum dicti Iohannis alternatim sunt appensa Hiis testibus dominis Willelmo de Watevile Iacobo de Stevinton militibus Iohanne le botilier Willelmo de Laveham Roberto Morice fratre Willelmo de Hulles fratre Henrico dicto messagero Willelmo de Northo clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.