Hec est finalis concordia facta in curia domini regis apud Westmonasterium in crastino sancti Martini anno regni regis Henrici filii regis Iohannis quinquagesimo coram Gilberto de Preston et Willelmo Bonquor iusticiariis et aliis domini regis fidelibus tunc ibi presentibus inter fratrem Rogerum de Veer priorem hospitalis sancti Iohannis Ierusalem in Anglia querentem per Iohannem de Asshstede positum loco suo ad lucrandum vel perdendum et Alexandrum filium Ricardi de London et Amiciam uxorem eius impedientes de triginta et septem acris terre et dimidia et una acra et tribus rodis prati et tribus acris bosci cum pertinentiis in Bumstede Helyun unde placitum warantie carte [factum] fuit inter eos in eadem curia scilicet quod predicti Alexander et Amicia recognoverunt predictum tenementum cum pertinentiis esse ius ipsius prioris ac [fratrum] predicti hospitalis ut illud quod idem prior et predicti fratres habent de dono predictorum Alexandri et Amicie habend et tenend predictis priori et successoribus suis et predictis fratribus de predictis Alexandro et Amicia et heredibus [ipsius] Amicie imperpetuum tenend et faciendo [in]de capitalibus dominis feodi illius pro predictis Alexandro et Amicia et heredibus ipsius Amicie omnia servicia que ad omnia illa supradicta pertinent Et predicti Alexander et Amicia et heredes ipsius Amicie warantizabunt eidem priori et successoribus suis et predictis fratribus predictum tenementum cum pertinentiis per predicta servicia contra omnes homines imperpetuum Et idem prior recepit predictos Alexandrum et Amiciam et heredes ipsius Amicie in singulis beneficiis et oracionibus que de cetero fient in dicto hospitali imperpetuum

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.