Sciant presentes et futuri quod ego Simon de Bobbelawe concessi dedi et hac presenti carta mea confirmavi Ricardo filio Walteri de Sumeresete unam acram terre cum omnibus pertinentiis suis in parochia de Bumstede magna que iacet in campo qui vocatur Webbecroft in parte occidentali et abuttat ad unum capud super stratam regiam et ad reliquum super assartum domus hospitalis de Mapeltrestede habendam et tenendam de me et de heredibus meis illi et heredibus suis et cuicumque vel quibuscumque illam dare vendere invadiare legare vel assignare voluerit libere quiete bene et in pace reddendo inde per annum michi et heredibus meis quatuor denarios ad duos terminos anni videlicet ad Pascha duos denarios et ad festum sancti Michaelis duos denarios pro omni servicio consuetudine exaccione et seculari demanda Pro hac autem donacione concessione et huius presentis carte mee confirmacione dedit michi predictus Ricardus decem solidos in gersummam quare ego dictus Simon et heredes mei warantizabimus et defendemus dictam terram cum omnibus pertinentiis suis dicto Ricardo et heredibus suis et cuicumque vel quibuscumque illam assignaverit contra omnes homines et feminas per prenominatum servicium Hiis testibus Andrea de Helyun Rogero filio Bernardi Rogero Levenod[] Willelmo Brun Ricardo le Hutlagh[] Michaele filio Ioce Rogero de Bayloll[] Roberto Possingball[] Henrico filio Iohannis Roberto de Helyun Galfrido Tempernoyse Ada clerico de Bumstede parva et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.