Sciant presentes et futuri quod [ego] Isabella de Bobbelawe relicta Alani filii Galfridi de Hamstede in mea propria viduitate dedi et concessi et hac presenti carta mea confirmavi Augustino le wodeward[] pro quadam summa pecunie quam michi dedit in gersummam unam acram terre mee arabilis et dimidiam in villa de Bumstede iacentem in Webbecroft inter terram hospitalis beati Iohannis de Mapeltrestede et terram Simonis de Bobbelawe et abuttat unum capud ad terram predicti hospitalis et aliud ad regale cheminum quod ducit versus Bumstede habendam et tenendam de me et heredibus meis et assignatis meis illi et heredibus et assignatis suis libere quiete bene et in pace vel cuicumque predictam terram dare vendere legare vel assignare voluerit preter religionem et Iudeismum reddendo inde annuatim michi et heredibus meis ille et heredes sui quatuor denarios et obolum ad duos anni terminos videlicet ad Pascha duos denarios et quadrantem et ad festum sancti Michaelis duos denarios et quadrantem pro omnibus serviciis consuetudinibus et demandis Et ego Isabella et heredes et assignati mei warantizabimus predictam terram cum pertinentiis predicto Simoni et heredibus et assignatis suis et assignatorum heredibus per predictum servicium contra omnes homines et feminas imperpetuum Et in huius [rei] testimonium presenti carte sigilli mei impressionem apposui Hiis testibus Petro filio Rogeri Launcelino filio Radulphi Galfrido Tempernoyse Simone de Bobbelawe Hugone armigero Gilberto le moyne Roberto de Berdefeld[] Roberto Pras et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.