Universis sancte matris ecclesie filiis ad quos presentes litere pervenerint Willelmus de Goldingham miles salutem in Domino Noverit universitas vestra me intuitu caritatis et pro salute anime mee et antecessorum et successorum meorum concessisse remisisse et in omnino quietum clamasse fratri Roberto de Maneby priori sancte domus hospitalis Ierusalem in Anglia fratri Willelmo de Nutstede tunc magistro de Mapeltrestede et precipue fratribus eiusdem domus ibidem commorantibus et Deo servientibus pro me et heredibus meis vel meis assignatis totum ius et clameum quod habui vel aliquo modo habere potui in homagiis wardis releviis herietis sectis curie et escaetis de duabus acris terre cum pertinentiis exeuntibus que vocantur Cotefeld[] et Gorilond[] iacentibus sub parco de Goldingham quas quidem Willelmus Attewode vendidit Galfrido le chaloner de Belem[er]e ita tamen quod [nec] ego nec heredes mei nec mei assignati nec aliquis nomine nostro aliquid iuris vel clamei in predictis homagiis wardis releviis herietis sectis curie et escaetis petere vel vendicare poterimus In huius rei testimonium huic scripto sigillum meum apposui Hiis testibus Willelmo de Ponte Roberto de Goldingham Waltero Basset Waltero de Berle clerico Waltero Morell[] Stephano Prudumme Hugone Ioye Iohanne de Colum clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.