Hec est convencio facta inter Agnetem de Wenynton[] quondam uxorem Rogeri coci de Sobery parva ex una parte et Stephanum le Enveyse filium dicti Rogeri et filium dicte Agnetis ex altera scilicet quod dicta Agnes de Weniton[] dimisit et quietam clamavit dicto Stephano le Enveyse totam terram sine aliquo retenemento quam habuit sub nomine dotis de Rogero coco in dicta parochia de Sobery quoad usque ipsa vixerit reddendo inde annuatim dicte Agneti matri sue duodecim solidos et sex denarios ad duos terminos anni scilicet ad festum sancti Andree apostoli sex solidos et tres denarios et in prima ebdomada integra quadragesime Paschalis sex solidos et tres denarios pro omnibus serviciis consuetudinibus et demandis secularibus ita quod ipsa Agnes nec aliquis per eam aliquid iuris vel clamei in illa terra cum suis pertinentiis preter supradictum annuum redditum quo ad ipse Stephanus vixerit poterint exigere Et est sciendum quod si dicta Agnes supervixerit dictum Stephanum le Enveyse dicta terra cum suis pertinentiis omni causa cessante dicte Agneti plenarie et integre remeabit preterea sciendum est quod si dictus Stephanus le Enveyse dictum annuum redditum ad terminos statutos non solverit dictus Stephanus duplicabit redditum secundum quod fuerit retentum Et ad maiorem huius rei securitatem hanc convencionem fideliter et sine fraude observandam adinvicem affidaverint Et ut hec convencio sit rata et stabilis presens scriptum ad modum cyrographi confectum sigillorum suorum munimine roboraverunt Hiis testibus Sawenno de Weneton[] Willelmo le Enveyse Gervasio de Weneton[] Ada Iuvene Gilberto Walensy de Wakering[] Waltero de Haynho Bricio clerico de Sobery Simone de Sobery Galfrido Samello et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.