Hec est convencio facta inter Ricardum de Mussegros et dominam Agnetem de Planes scilicet quod predictus Ricardus tradidit Agneti predicte ad firmam totum dominicum suum in Esthaddon[] cum operibus hominum suorum in eadem villa predicto dominico pertinentibus salvis omnibus aliis redditibus suis predicto Ricardo pertinentibus in eadem villa tenendum et habendum de predicto Ricardo vel heredibus suis sibi vel cui assignare voluerit usque in sex annos proximos sequentes donec sex vesturas in pleno perceperit reddendo inde annuatim predicto Ricardo vel heredibus suis duas marcas argenti ad duos anni terminos scilicet ad Pascha proximam unam marcam et ad festum sancti Michaelis unam marcam pro omni servicio et consuetudine et demanda predicto Ricardo vel heredibus suis pertinente Hec autem convencio facta fuit ad terciam hokkeday proximam post translacionem beati Thome martiris Et sciendum quod predicta Agnes reddidit predicto Ricardo unam marcam argenti premanibus de firma primi anni quam ad proximam Pascha sequens post festum sancti Michaelis proximum reddere debuit quare predicta Agnes non tenetur respondere predicto Ricardo de aliqua firma predicte terre usque ad secundum festum sancti Michaelis post predictum terminum Predictus vero Ricardus vel heredes sui warantizabunt predictum illud dominicum predicte Agneti vel cui assignare voluerit contra omnes gentes Et ut hec convencio stabilis et firma permaneat sigillis nostris confirmavimus Hiis testibus Henrico de Diva Thoma de Haddon[] Hugone Pruet Nicholao coco et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.