Sciant presentes et futuri quod ego Gilbertus filius Radulphi ad Quercum dedi et concessi et hac mea carta confirmavi Deo et sancte Marie et beato Iohanni Baptiste et beatis pauperibus sancti hospitalis Ierusalem et fratribus eiusdem domus pro salute anime mee et patris mei et matris mee et omnium amicorum meorum vivorum et mortuorum totam illam particulam terre mee cum pertinentiis eiusdem particule terre in parochia de Halstede que iacet versus domum Ricardi Fundlyng[] inter nigram maram et terram Willelmi filii Iohannis habendam et tenendam imperpetuum in liberam et puram et perpetuam elemosinam sicut aliqua elemosina liberius et quiecius dari potest domui religionis Et ego Gilbertus et heredes mei warantizabimus totam particulam terre cum pertinentiis predicte domui et fratribus eedem domui servientibus contra omnes gentes Et ut hec donacio et elemosina mea rata sit et stabilis presens scriptum sigillo meo roboravi Hiis testibus domino Radulpho de Hosdeyt Ricardo filio Petri Ricardo Huraund[] Ricardo filio Gilberti Andrea filio Willelmi Gilberto de Oddewelle Willelmo de Besevyle Rogero fratre suo Willelmo de Launseton[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.