Sciant presentes et futuri quod ego Gilbertus filius Radulphi de Quercu dedi et concessi et hac presenti carta mea confirmavi Roberto filio Ricardi ad Fontem pro homagio et servicio suo et pro octo solidis quos michi dedit in gersummam et Alicie uxori mee quatuor denarios unam partem terre mee in campo qui vocatur Edulverede in villa de Halstede videlicet illam acram terre que iacet inter terram Martini filii Elie de Halstede et tres rodas que iacent inter terram predicti Martini et domum Radulphi Scotici et totum pratum meum quod iacet inter pratum predicti Martini et pratum Roberti filii Aylnoh[]t habenda et tenenda de me et heredibus meis sibi et heredibus suis vel cuicumque eam dare vendere legare vel assignare voluerit preterquam domui religionis libere quiete integre bene et in pace et hereditarie cum pertinentiis omnibus reddendo inde annuatim michi et heredibus meis septem denarios ad duos terminos scilicet ad Pascha tres denarios et obolum et ad festum sancti Michaelis tres denarios et obolum pro omnibus serviciis consuetudinibus et exaccionibus michi et heredibus meis pertinentibus Ego vero Gilbertus et heredes mei warantizabimus predicto Roberto et heredibus suis vel eius assignatis totam terram prenominatam contra omnes homines et feminas vel faciemus ei in escambium tantille terre in competenti loco de terra mea Ut hec mea donacio concessio et carte mee confirmacio et warantizacio rata et stabilis et inconcussa permaneat presentem cartam sigilli mei munimine roboravi Hiis testibus Ricardo Huraunt Iohanne filio Willelmi Willelmo Ioye [Alfwino] Cristemasse Edmundo fullone Waltero ad Ripam Gilberto de Ympenhull[] Iohanne Blancpayn[] Willelmo fabro Asketin Mite Roberto Panimere Waltero pincerna et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.