Sciant presentes et futuri quod ego Gilbertus filius Radulphi ad Quercum dedi et concessi et hac presenti carta mea confirmavi Deo et beate Marie et sancto Iohanni Baptiste et beatis pauperibus sancti hospitalis Ierusalem et fratribus eiusdem hospitalis pro salute anime mee et omnium antecessorum et successorum meorum totum illud servicium quod Robertus filius Richeri ad Fontem michi debuit de Prudfoteswode cum pertinentiis in parochia de Halstede simul cum homagio ipsius Roberti de predicto bosco michi pertinente habendum et tenendum in liberam puram et perpetuam elemosinam sicut aliqua elemosina liberius et quiecius dari potest domui religionis Ego autem Gilbertus et heredes mei warantizabimus et defendemus totam predictam donacionem cum suis pertinentiis contra omnes homines et feminas Et ut hec mea donacio et huius carte mee confirmacio rata et stabilis et inconcussa permaneat sigilli mei impressione presencia roboravi Hiis testibus domino Roberto de Glaudefen Petro filio Ricardi Iohanne filio Willelmi Iohanne de Herlawe Asketino Mite Alwino Cristemasse Willelmo Ioye Gilberto aurifabro Willelmo filio Simonis et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.